Dəri angiti, müxtəlif ölçülü dermohipodermal qan damarlarının iltihablanması və zədələnməsi ilə müşahidə olunan iltihablı-allergik bir qrup dermatozlardandır. Xəstəlik, dəri altındakı damarların müxtəlif hissələrinin zədə görməsi ilə əlaqədar olan bir qrup xəstəliyi əhatə edir. Dəri angiti, dərinin qızarması, şişməsi, ağrısı və s.kimi əlamətlərin ortaya çıxması ilə özünü göstərə bilər. Dəri angiti, fərqli səbəblərlə müşahidə olunur, amma ən çox yayılmış immünoloji, allergik və ya infeksiyon səbəblərdir.

Dəri angitinin simptomları

Dəri angitinin simptomları müxtəlif cür ola bilər və bu simptomlar xəstəliyn şiddətinə, növünə və təsir göstərdiyi bölgəyə bağlı olaraq dəyişir. Ümümi göstəricilərə görə dəri angiti aşağıdakı simptomlarla özünü göstərə bilər:

• Dərinin qızarması: Angitin təsir etdiyi bölgədə dəri qizarır və əzələ təzyiqi altında sızıldayan görkəm alır.
• Dərinin ödemi: İltihablanma nəticəsində, angitli bölgədə ödem ortaya çıxa bilər. Bu dəridə şişlik, toxunanda agrı hissi, həssaslıq ilə müşahidə olunur.
• Ağrı: Dəri angitisi səbəbiylə iltihaplanan bölgədə ağrı hissi ortaya çıxa bilər. Ağrı müntəzəm olaraq bəzən ataklar halında özünü göstərir.
• Dəri töküntüləri: Bəzi hallarda, angitli bölgələrdə dəri töküntüləri dəridə qabarcıqlara və ya yaralara çevrilə bilər. Bu qabarcıqlar sızıntılı və ya qızarmış halda görünür.
• Qaşıntı: Angitin ağırlaşması ve növünə bağlı olarak, qaşıntı da ortaya çıxa bilər. Qaşıntı, qiciqlanan dəri hissəsində rahatsızlıq ve qaşınma ehtiyacı yaradır.

Dəri angitisi xəstəliyinin simptomları insandan insana dəyişir və bu səbəblə tədqiqat və müalicə üçün mütləq bir dermatoloqa görünmək vacibdir.

Dərinin angitinin diaqnozu

Dərinin angitinin diaqnozu xarakterik klinik simptomlara əsaslanır. Ağır hallarda patohistoloji müayinə aparılır. Adətən vərəmli dəri lezyonları (eritema induratum və papulonekrotik vərəm) ilə differensial diaqnostikada lazım olur. Eyni zamanda, dəri vərəmi olan xəstələrin gənc yaşı, prosesin qış aylarında kəskinləşməsi, seyrəldilmiş tüberkülozla dəri testlərinin müsbət olması, digər orqanların vərəminin olması da nəzərə alınır. Bunlarla birlikdə biopsiya və qan testəri də aparıla bilər.

Dəri angitinin müalicəsi

İnfeksiya ocaqlarının sanitarlaşdırılması. Endokrin və metabolik pozğunluqların korreksiyası. Antihistaminiklər, vitaminlər (C, P, B15), kalsium preparatları, steroid olmayan antiinflamatuar preparatlar (indometazin, butadion). İnfeksiyaya uyğun antibiotiklər. Ağır hallarda - hemosorbsiya, plazmaferez, adekvat dozada uzunmüddətli kortikosteroidlər - tədricən kəsilməklə. Xroniki formalarda - quinolinlər. Yerli olaraq ləkəli, papulyar və düyünlü səpgilərlə - kortikosteroid məlhəmləri ilə okklyuziv sarğılar təyin olunur.