Periodontit, dişlərinizi əhatə edən və dəstəkləyən xüsusi toxumların və sümüklərin iltihabıdır. Bu iltihab, diş əti problemlərinin ikincisi və ağır mərhələsidir. Periodontit inkişaf etdikcə sümüklər və dişlər zədələnir. Periodontit müalicə olunmazsa diş itkisinə səbəb ola bilər.

Periodontit, diş əti iltihabı olaraq bilinir və diş ətində iltihablanma ilə başlayır. Diş ətinin iltihabının ilk əlamətlərindən biri də dişləri fırçaladıqda və ya çeynəmə zamanı diş ətinin qanamasıdır.

Xəstəlik zamanı dişlərdə bəzi rəng dəyişikliyi də ola bilər. Rəng dəyişikliyi dişlərdəki bakteriya və qida qalıqlarının yığılmasından qaynaqlanır. Bakteriyalar hər zaman ağızda olmasına baxmayaraq, yalnız şəraitin kəskin şəkildə artmasına imkan verdiyi zaman zərərli olur. Yani ağız gigiyenasına mütamadi olaraq əməl olunmadıqda bu proses başlaya bilər.

• Erkən periodontal xəstəlik; Periodontitin ilk mərhələlərində diş ətləri çəkilir və diş əti ilə dişlər arasında kiçik ciblər əmələ gəlir. Ciblərdə zərərli bakteriyalar olur. İmmunitet sistemi infeksiya ilə mübarizə aparmağa çalışır və diş əti toxuması geri çəkilməyə başlayır. Fırçalama və diş ipi istifadə edərkən qanaxma və sümük itkisi ilə qarşılaşa bilərsiniz.
• Orta dərəcəli periodontal xəstəlik; Orta dərəcəli periodontal xəstəlik irəliləsə, diş və diş ətinin ətrafında qanaxma və ağrı hiss edə bilərsiniz. Dişlər sümük dəstəyini itirməyə və boşalmağa başlayacaq. İnfeksiya həm də bədəndə iltihablı bir reaksiyaya səbəb ola bilər.
• Ağırlaşmış periodontal xəstəlik; İnkişaf etmiş xəstəlikdə dişləri yerində tutan birləşdirici toxuma pozulmağa başlayır. Dişləri dəstəkləyən diş ətləri, sümüklər və digər toxumalar məhv olur. Ağırlaşmış periodontit varsa, çeynəyərkən şiddətli ağrı, kəskin ağız qoxusu və ağızda ürəkbulandırıcı dad hiss edə bilərsiniz. Bu zaman hətta siz dişlərinizi itirə bilərsiniz.

Periodontitin əlamətləri

Periodontitin əlamətləri arasında ağız gigiyenasına riayət edilməməsi və ya malokluziya, anormal diş forması, yalnış qidalanma və qidalanma keyfiyyəti (vitamin və zülal çatışmazlığı) ola bilər. Çox vaxt periodontit diş əti xəstəliyi və ya iltihabdan sonra inkişaf edə bilər – məsələn, gingivit və ya periodontal xəstəlik. Parodontitin inkişafında qidanın özü mühüm rol oynayır. Beləliklə, yumşaq qida da dişlərin tam təmizlənməsinə və normal çeynəmə yükünə kömək etmədiyi üçün periodontitə səbəb ola bilər. Çənənin bir tərəfində yemək çeynəmək də periodontitə səbəb ola bilər. Periodontit multifaktorial xəstəlik hesab olunur, burada pis ekologiya, metabolik pozğunluqlar, müxtəlif xroniki xəstəliklər və peşə təhlükələri böyük rol oynayır.

Periodontitin simptomları:

• Dişdə irinləmə;
• dişlərin mövqeyində dəyişiklik;
• boş dişlər;
• diş absesləri;
• dişlər arasında boşluqlar;

Parodontitin irəli mərhələlərində abses və ağrılar əmələ gəlir. Bu ciddi xəstəliyə görə dişləri itirə bilərsiniz. Yuxarıda göstərilən simptomlardan hər hansı biri ilə qarşılaşsanız, periodontit müalicəsində kömək üçün dərhal diş həkiminizlə əlaqə saxlayın.

tercume