Ürəyin döşün sağ tərəfində yerləşməsi tibbdə dekstrokardiya adlanır. Bu anomaliya ürəyin tipik olaraq sol tərəfdə deyil, sağ tərəfdə simmetrik olaraq yerləşməsidir. Bu zaman ürəkdən çıxan damarların da mövqeyi ürəyin yerləşməsinə müvafiq olur. Ürəyin sağda yerləşməsi bəzi araşdırmalara görə yüzdə bir, bəzilərinə görə isə mində bir insanda rast gəlinir. Ürəyi sağda yerləşən insanların əksəriyyəti müayinə zamanı bundan xəbərdar olurlar, o zamanadək heç bir fərqlilik hiss etmədən illərlə normal şəkildə yaşayırlar. Bəzi hallarda yalnız ürək yerini dəyişir, bəzən isə buna müvafiq olaraq bütün orqanlar yeri dəyişik şəkildə olur. Ürəyin sağda yerləşməsi gələcək üçün insan sağlamlığında heç bir problem yaratmır. Hətta ürəyi sağda olan insanın ürək xəstəliyinə tutulma faizi ürəyi solda olan insanla eynidir.

Dekstrokardiyanın simptomları

Anadangəlmə inkişaf qüsuru səbəbiylə ürək sinə boşluğunun sağ yarısına doğru yerləşmişdir. Bu vəziyyətdə ürəyin zirvə nöqtəsi sağa baxır və eyni zamanda ürəyə girən və çıxan bütün damarların tamamilə əks mövqedə olduğu müşahidə edilir. Əksər hallarda dekstrokardiya ilə doğulan insanın bədən orqanlarının əks tərəfdə mövcud olması (situs viscerum inversus) da qeyd olunur. Beləliklə, məsələn, qaraciyər sol tərəfdə, dalaq isə sağda yerləşir. Sol ağciyər üç loba, sağ iki hissəyə və s.bölünmüşdür.

Dekstrokardiyanın 3 növü var:

• ürək və bütün daxili orqanlar tərsr quruluşa malikdir;
• ürək və bəzi daxili orqanlar tərsinə çevrilmişdir;
• yalnız ürək sağda yerləşir.

Dekstrokardiyanın diaqnozu

Dekstrokardiya diaqnozunu qoymaq çətin deyil. Sadə kliniki müayinədə ürəyin əks tərəfdə və apikal impuls sağ tərəfdə yerləşməsi müəyyən olunur. Ən fərqli və ən yüksək ürək səsləri də sağda eşidilir. X-ray müayinəsi ürəyin düzgün yerini təsdiq edir. EKQ dekstrokardiya üçün xarakterikdir.

Dekstrokardiyanın müalicəsi

Dekstrokardiya normal insan inkişafını pozmadığından heç bir mənfi təsirə səbəb olmur, buna görə də adətən müalicə tələb olunmur.

tercume