Hockin linfoması immunitet sistemindəki hüceyrələrdə başlayan bir xərçəngdir. İmmunitet sistemi infeksiyalara və digər xəstəliklərə qarşı mübarizə aparır, limfa sistemi isə immunitet sisteminin bir hissəsidir. Limfa sisteminə aşağıdakılar daxildir:

• Limfa damarları: Limfa sistemində limfa damarları şəbəkəsi var. Limfa damarları bədənin bütün toxumalarına budaqlar verir.
• Limfa: Limfa damarları limfa adlanan şəffaf bir maye daşıyır. Limfa ağ qan hüceyrələrini, xüsusilə B hüceyrələri və T hüceyrələri kimi lenfositləri ehtiva edir.
• Limfa düyünləri: Limfa damarları limfa düyünləri adlanan kiçik, yuvarlaq toxuma kütlələrinə bağlanır. Boyun, qoltuq, döş, qarın və qasıqda limfa düyünləri qrupları var. Limfa düyünləri ağ qan hüceyrələrini depolayır. Bunlar limfada mövcud ola biləcək bakteriyaları və ya digər zərərli maddələri tutur və məhv edir.
• Limfa sisteminin digər hissələri: Limfa sisteminin digər hissələrinə badamcıqlar, timus və dalaq daxildir. Limfa sistemi mədə, dəri və nazik bağırsaq kimi bədənin digər hissələrində də olur.

Limfa toxuması bədənin bir çox yerində olduğu üçün Hockin linfoması demək olar ki, hər yerdə baş verə bilər. Adətən əvvəlcə diafraqmanın üstündəki limfa düyünlərində, sinə və qarını ayıran nazik əzələdə olur. Bununla belə, Hockin linfoması bir qrup limfa düyünlərində də aşkarlanır. Bəzən limfa sisteminin digər hissələrində başlayır.

Hockin Linfoma Hüceyrələri

Hockin linfoması bir linfosit (adətən B hüceyrəsi) anormal hala gəldikdə başlayır. Bu anormal hüceyrə Reed-Sternberg hüceyrəsi adlanır.

Reed-Sternberg hüceyrəsi özünün kopyalarını çıxarmaq üçün bölünür. Yeni hüceyrələr təkrar-təkrar bölünərək getdikcə daha çox anormal hüceyrələr yaradır. Anormal hüceyrələr lazım olduqda ölmürlər və orqanizmi infeksiyalardan və ya digər xəstəliklərdən qorumurlar. Hüceyrələrin həddindən artıq çoxalması tez-tez şiş və ya tümör adlanan bir kütlə meydana gətirir.

Risk faktorları

Həkimlər çox zaman, bir xəstədə Hockin linfoma inkişaf edərkən digərində bəzilərində rast gəlinməməsini aydınlaşdırmayıblar. Lakin araşdırmalar göstərir ki, müəyyən risk faktorları insanın bu xəstəliyə tutulma şansını artırır.

Hockin linfoma üçün risk faktorlarına aşağıdakılar daxildir:

• Bəzi viruslar: Epstein-Barr virusu (EBV) və ya insan immun çatışmazlığı virusu (HİV) infeksiyası Hockin linfoması inkişaf riskini artıra bilər. Bununla belə, linfoma yoluxucu deyil. Başqa bir insandan linfomaya yoluxa bilməzsiniz.
• İmmunitet sisteminin zəifləməsi: İmmunitet sisteminin zəifləməsi (irsi xəstəlik və ya orqan transplantasiyasından sonra istifadə edilən bəzi dərmanlar səbəbindən) linfoma inkişaf riskini artıra bilər.
• Yaş: Hockin linfoma ən çox 15-35 yaş arası böyüklərdə və yetkinlərdə, 55 və daha yuxarı yaşlılarda rast gəlinir.
• İrsi amillər: Hockin linfoması və ya başqa bir linfoması olan ailə üzvlərində, xüsusən də bacı və qardaşlarda, bu xəstəliyə tutulma riski arta bilər.

Bir və ya daha çox risk faktorunun olması hələ o demək deyil ki, bir insanda Hockin linfoması inkişaf edəcək. Risk faktoru olan bir çox insan heç vaxt xərçəngə tutulmur.

Simptomları

Hockin linfoma bir çox simptomlarla özünü göstə bilər:

• Boyun, qoltuqaltı və ya qasıqda şişmiş limfa düyünləri (ağrısız)
• Alkoqolun təsirlərinə qarşı daha həssas olmaq və ya spirtli içki içdikdən sonra limfa düyünlərində ağrı hiss etmək
• Səbəbsiz kilo itkisi
• Davamlı qızdırma
• Güclü gecə tərləmələri
• Bədəndə qaşınma
• Öskürək, nəfəs almaqda çətinlik və ya sinə ağrısı
• Davamlı zəiflik və yorğunluq

Çox vaxt bu simptomlar xərçəngdən qaynaqlanmır. İnfeksiyalar və ya digər sağlamlıq problemləri də bu simptomlara səbəb ola bilər. 2 həftə ərzində keçməyən simptomları olan bir şəxs həkimə müraciət etməlidir ki, problemin diaqnozu və müalicəsi mümkün olsun.

Diaqnozu

Hodgkin Lenfoma növləri

Əgər xəstədə şişkin limfa düyünləri və ya Hockin linfomasını göstərən hər hansı digər simptom aşkarlanarsa, aşağdakı müayinələr tələb oluna bilər.

• Fiziki müayinə
• Qan testləri
• Rengen, MRT, KT
• Biopsiya

Müalicəsi

Hockin linfoması olan insanlar kimyaterapiya, radiasiya terapiyası və ya hər ikisi ilə müalicə edilə bilər.

Hockin linfoması müalicədən sonra geri dönərsə, həkimlər bunu relaps və ya residiv adlandırırlar. Müalicədən sonra təkrarlanan Hockin linfoması olan xəstələr yüksək dozada kimyaterapiya, radiasiya terapiyası və ya hər ikisini qəbul edə, ardınca isə kök hüceyrə nəqli edə bilərlər.

https://thd.org.tr/thd_halk/?sayfa=hodgkin

saytindan tercume